巴菲特號召入市

The financial world is a mess, both in the United States and abroad.Its problems, moreover, have been leaking into the general economy, and the leaks are now turning into a gusher. In the near term, unemployment will rise, business activity will falter and headlines will continue to be scary.

筆者註: 全球金融已經一體化. 由美國次按演變而來的金融海嘯由北美傳導至歐洲, 以致亞洲等新興市場, 然而,銀行業乃百業之母, 為各企業資金的主要來源, 一旦心臟衰竭, 血液供應必然大大減弱, 身體各器官的正常運作也會受到負面影響. 於是,原本屬於金融業的系統性風險無可避免擴大至全面的經濟風險. 如果將金融業視為上遊企業(以資金供應鏈的角度), 上游有事,下游各企業(需要銀行提供資金的企業)豈能獨善其身? 所以, 當金融公司倒閉的新聞出現一段時間後, 其他 下游企業出現倒閉的新聞也是意料中事.在銀行收緊信貸額度(Credit Line) 之後, 下游企業無可避免要停止擴充甚至收縮業務, 減低營運成本甚至裁員.失業率上升將影響消費市道, 繼而影響企業盈利, 企業盈利的倒退甚至虧損將影響企業的還款能力, 繼而影響銀行的資產質素.惡性循環的效果是壞消息不斷的出現.

So … I’ve been buying American stocks. This is my personal account I’m talking about, in which I previously owned nothing but United States government bonds. (This description leaves aside my Berkshire Hathaway holdings, which are all committed top hilanthropy.) If prices keep looking attractive, my non-Berkshire networth will soon be 100 percent in United States equities.

筆者註: 巴菲特個人財富之中, 大部分是持有Berkshire Hathaway. 其次就是持有美國政府的債券. 可以睇到 巴菲特和費雪(Philip Fisher)一樣, 不喜歡持有現金. 而當股價吸引時, 甚至會100%持股.

Why?

A simple rule dictates my buying: Be fearful when others are greedy, and be greedy when others are fearful. And most certainly, fear is now widespread, gripping even seasoned investors. To be sure, investors are right to be wary of highly leveraged entities or businesses in weak competitive positions. But fears regarding the long-term prosperity of the nation’s many sound companies make no sense. These businesses will indeed suffer earnings hiccups, as they always have. But most major companies will be setting new profit records 5, 10 and 20 years from now.

筆者註: 巴菲特的名句: “在別人恐懼的時候你要變得貪心; 在別人貪心的時候你要變得恐懼” 的確是投資至勝之道.問題是, 幾多人可以實行到? 然而, 並非所有公司都可以逆市買入. 當中, 要避開的, 包括高負債高槓桿操作的公司, 以及沒有競爭優勢的公司.對於那些體質健壯的公司, 雖然短期盈利會受損, 但是, 5年後, 10年後, 盈利回復活力以及再創盈利新記錄是可以預期的.

Let me be clear on one point: I can’t predict the short-term movements of the stock market. I haven’t the faintest idea as to whether stocks will be higher or lower a month — or a year — from now. What is likely,however, is that the market will move higher, perhaps substantially so,well before either sentiment or the economy turns up. So if you wait for the robins, spring will be over.

筆者註: 短期股市的走勢難以預測. 然而, 如果投資者等待經濟出現明顯復甦的跡象時, 那時股市極可能已經上升不少了, 因為股市的上升將發生在經濟復甦之前.

A little history here: During the Depression, the Dow hit its low, 41, on July 8, 1932. Economic conditions, though, kept deteriorating until Franklin D. Roosevelt took office in March 1933. By that time, the market had already advanced 30 percent. Or think back to the early days of World War II, when things were going badly for the United States in Europe and the Pacific. The market hit bottom in April 1942, well before Allied fortunes turned. Again, in the early 1980s, the time to buy stocks was when inflation raged and the economy was in the tank. In short, bad news is an investor’s best friend. It lets you buy a slice of America’s future at a marked-down price.

筆者註: 巴菲特再次強調, 壞消息是投資者的好朋友, 因為不利消息可以為投資者提供較低的進場價格.

Over the long term, the stock market news will be good. In the 20th century,the United States endured two world wars and other traumatic and expensive military conflicts; the Depression; a dozen or so recessions and financial panics; oil shocks; a flu epidemic; and the resignation of a disgraced president. Yet the Dow rose from 66 to 11,497.

You might think it would have been impossible for an investor to lose money during a century marked by such an extraordinary gain. But some investors did. The hapless ones bought stocks only when they felt comfort in doing so and then proceeded to sell when the headlines made them queasy.

筆者註: 有些倒楣的投資者發覺自己通常是高買低賣. 巴菲特提醒你, 問問自己, 是否見到好消息才有信心去高追, 而見到壞消息就不安地沽出.

Today people who hold cash equivalents feel comfortable. They shouldn’t. They have opted for a terrible long-term asset, one that pays virtually nothing and is certain to depreciate in value. Indeed, the policies that government will follow in its efforts to alleviate the current crisis will probably prove inflationary and therefore accelerate declines in the real value of cash accounts.

Equities will almost certainly outperform cash over the next decade, probably by a substantial degree. Those investors who cling now to cash are betting they can efficiently time their move away from it later. In waiting for the comfort of good news, they are ignoring Wayne Gretzky’s advice: “I skate to where the puck is going to be, not to where it has been.”

I don’t like to opine on the stock market, and again I emphasize that I have no idea what the market will do in the short term. Nevertheless,I’ll follow the lead of a restaurant that opened in an empty bank building and then advertised: “Put your mouth where your money was.”Today my money and my mouth both say equities.

筆者註:不要持有現金然後期望(觀望)政府推出利好政策救市, 因為政府的救市方案將導致通貨膨脹. 長遠來看, 持有現金是非常低回報的資產,因為會被通貨膨脹侵蝕購買力. 相反, 持有股票長遠的回報將大大勝過持有現金.巴菲特認為現時堅持持有現金的投資者是在賭緊自己能夠掌握股市的走勢, 和升跌的韻律, 是在等待令自己心安的好消息.但是巴菲特認為現時就是買股票的時候.

中文版
美國和海外的金融市場一團糟，金融問題已殃及經濟。短期內，失業率將上揚，商業景氣轉弱，報紙頭條仍會怵目驚心。所以，我已不斷買進美股，是用自己的帳戶。以前除美國公債外，我沒有別的投資。（這不包括我在波克夏公司的持股，那已預定捐出來做公益。）如果價錢仍具吸引力，我波克夏以外的資產很快會全部轉成美股。  為什麼？有個簡單的買進規則：別人貪婪時應恐懼，別人恐懼時應貪婪。現在瀰漫的是恐懼感，即使投資老手也逃不過。投資人提防借貸比率過高或競爭力弱的企業是對的，但對許多體質健全公司的長期展望憂心忡忡卻沒道理。這些企業的獲利偶爾會打嗝，但多數大公司會在五年、十年或二十年後締造新的獲利紀錄。
  有一點要說清楚：我無法預測股市的短期走勢，不知一個月或一年後股價會漲或跌。然而，行情可能在市場信心轉強或經濟改觀前就走高，也許漲幅可觀。你若要等知更鳥啼鳴，春天可能已結束。
  來談一點歷史：大蕭條期間，道瓊指數在1932年7月8日跌到41點的谷底。但經濟持續惡化到羅斯福1933年3月就任總統時。不過在此之前，股市已勁揚30%。又如第二次世界大戰初期，美國在歐洲及太平洋戰事皆不利，但股市在1942年4月觸底，比盟軍時來運轉早得多。再者，1980年代初，買股好時機是通膨肆虐而經濟重挫之時。簡言之，壞消息是投資人最好的朋友，讓你可用低價投資一小塊美國的未來。
  長期來說，股市新聞會變好。在20世紀，美國歷經過兩次世界大戰和其他代價慘重的軍事衝突，以及大蕭條、十幾次衰退和金融恐慌，還有幾次石油危機、一波大流感，及總統丟人現眼後辭職下台。但道瓊指數照樣從66點漲至11,497點。
  你可能以為，20世紀漲幅這麼大，幾乎不可能賠錢，但就是有些人虧錢。這些倒楣人只在覺得放心時買股票，一瞥見令人不安的新聞就賣出。今天，手中持有現金及約當現金的人覺得心安，其實不該如此。他們選擇了可怕的長期資產，幾乎不生財且注定會貶值。沒錯，政府為緩解危機而採行的政策勢必引發通膨，進而加速現金帳戶的實際價值下滑。
  股票未來十年的表現勢必勝過現金。現在緊抱現金的投資人，是賭他們稍後可算準時機再進場買進。在等待好消息時，他們忽視冰上曲棍球巨星葛瑞斯基（Wayne Gretzky）的建言：「溜冰時要滑向曲棍球餅預料會到的地方，而不是現在的位置。」
  我不喜歡對股市發表意見，容我再次強調，我不知市場短期走向。然而，我會仿效一家餐廳的作法，這家餐廳在空蕩蕩的銀行大樓開業，廣告標語說：「錢放哪裡，就在哪裡吃。」今天，我的錢和我的嘴都嚷著要「股票」。

Filed under: 巴菲特 , 巴菲特

投資者日記 [曹仁超] 2008 10 29次按危機進入第三階段

10月28日，周二。恒生指數升1580.45，收12596.29；成交660.5億元。10月期指升1298點，收12446點，低水；11月期指升1322點，收12405點。期指倒掛現象又出現，係咪反彈市話咁快就玩完？

證監會發現，唔少對沖基金經理提供畀投資者嘅每月報告資料並唔準確，並就此提出警告，引發今天嘅補倉潮。

日本政府宣布限制裸空，因過去五個交易天日經平均指數下跌18％，至二十六年新低。今天日經平均指數開市初期跌2.4％，收市升6.4％，見7261.92。日本政府响10月26日向各銀行注資10萬億日圓（1070億美元），加強日本銀行嘅資本充足比率。

中國擴大內需無助GDP增速
代表恒指嘅四十二隻成分股，股價較一年前跌60％，單係本周一就跌咗15％，為1989年天安門事件後跌幅最大嘅一天，依家市值係賬面值一點○五倍，為1998年9月以來最低，相信係今天恒指上升14％嘅部分理由。工商銀行（1398）升16％（周一跌11％），但市值仍只有賬面值一點五倍，P/E七點九八倍；長實（001）市值係賬面值零點六倍，為2006年4月以來最低，今天升17％（過去四個交易天跌22％）。

不過，霸菱資產管理基金經理Hayes Miller唔建議現階段增持港股，理由係港人對2009年純利估計仍太樂觀，雖然恒指P/E只有七點七倍。TCW集團環球策略員Komal Sri Kumar認為，一旦次按危機結束，全球經濟又再增長，去年佢對港股悲觀，現階段開始認為有吸引力。IMF估計，2009年香港GDP只上升3.5％。

今年3月至今，响不足七個月時間裏面，分析員對2009年標普五百純利估計一減再減，最新數字係較今年3月時估計減少40％（或較2008年純利下降10％），可反映分析員今年3月對後市仍相當樂觀，而依家係咪過分悲觀？

第一次全球性衰退2009年開始？從長期道指走勢睇，每上升十五至二十年便會出現一次大調整。1982年開始上升嘅道指响2000年1月見頂回落，2002年10月回升，到2007年10月又再次見頂；呢次回落會否引發全球大衰退?!

中國經濟結構係39─37─37（部分互疊），即資本投資佔GDP 39％、內部消費佔37％、出口有關業務佔37％。美國經濟係19─70─13，內部消費佔70％。由此可見，中國擴大內需對GDP增長率影響唔大，一如美國擴大出口對GDP影響唔大嘅理由一樣。中國未來資本投資除鐵路外，其他項目已接近飽和；出口增長率明年起亦大幅放緩，只擴大內需對明年GDP增長率影響有幾大？

今天滬深三百指數上升3.09％，收1705.82。

1978年中國實施改革開放政策後，大大推動環球化進度──資金、技術及商業上嘅know-how，由美國及其他OECD國家向低工資嘅新興經濟國如中國、印度等地區轉移，形成所謂供應鏈。透過電腦、互聯網、航運將消費市場（例如美國同歐洲）訊息即時傳到新興經濟國，佢地收到訊息後生產T恤、波鞋、電器、電子產品，然後運往消費國出售，首十年係OECD國家投資新興經濟嘅周期。

新興經濟國嘅生產設備漸上軌道，加上基建項目如碼頭、公路、發電廠投資配合，漸漸成為出口大國，令OECD國家人民生活水平上升（因產品價廉物美，更多人可以享受廉價產品）及提供就業（服務業例如沃爾瑪百貨、貨車運輸、產品推廣等）；同時為新興經濟國工人提供就業機會，帶動GDP增長。產品不斷由新興工業國運往OECD國家；反之，新興工業國對OECD國家嘅資金、技術及商業know-how需求漸降，形成新興工業國出口增長率加快、入口增長率減慢，產生外貿不平衡。新興工業國又將賺番嚟嘅錢投資响基建上，漸漸連基建亦上軌道，但外貿盈餘仍不斷上升。結果新興工業國將資金用作購買入口國嘅債券（例如美國），連資金亦「出口」。咁樣一來，OECD國家面對流動性過剩，出現信貸過分寬鬆、銀行濫借等情形，刺激樓價、股市上升，令消費者盲目消費，次按危機由此形成。

次按危機按本身規律轉變
面對外貿不平衡，OECD國家最後逼中國人民幣加快升值以平衡貿易，中國因此賺番嚟嘅外滙減少，可出口嘅資金亦開始減少，形成美國等利率向上浮動（指長債利率而非短期利率）。美國消費者2006年起感到借錢並唔容易，樓價開始止升回落，一場金融風暴已在醞釀。但美國政府睇唔到危機存在，繼續刺激消費，到2007年8月次按危機爆發，場面因而失控。換言之，次按危機嘅出現並非信心問題咁簡單，而係經過多年醞釀後差唔多一定發生嘅災難，亦係三十年世界貿易自由化嘅必然結果。次按危機對經濟實體嘅影響逐步浮現，就係銀行「惜貸」。假設金融業係人體嘅心臟，資金係人體內嘅血液，經濟實體就係其他器官。次按危機類似「Heart-attack」，心臟面對突然停頓，雖然响政府大力挽救下心臟恢復跳動，但供血能力已減弱（類似心臟發大症），供血不足則令其他器官漸漸出現萎縮……。

金融業嘅責任係「借貸」，令資金喺整個經濟體系內運行不息，各器官獲充足血液供應，自然健康地操作。依家銀行「惜貸」，各器官只獲有限度血液供應，短期問題唔大，時間日久，各器官便出現萎縮現象，次按危機便進入第二階段（由影響金融業到影響實體經濟）。

如果唔即時加強心臟機能，向各器官提供充足血液，下一個影響就係消費萎縮，病人身體一天一天弱落去。例如9月份美國就業崗位減少十六萬個，汽車銷售降至十六年來最低；對仍未失業者來說，投資股票或基金已失去一大筆蚊年，未來薪金加幅有限兼有失業威脅，自然勒緊褲頭減少消費。今年9月起次按危機進入第三階段。

次按危機正按自己嘅規律演變，不因各國政府注資而改變，直到客觀形勢改變為止。大氣候、小氣候，不因人嘅主觀願望而改變。

牛市永遠充滿樂觀，小心樂極忘形；熊市充滿哀愁，因Capitulation唔好受。一浪低於一浪日子最終會過去，只係唔知邊一天才係真正嘅黎明。1997年嗰次熊市，黎明喺2003年4月。

恒指本周一見10676點，低點完成1、2、3、4、5下跌浪，進入a、b、c反彈浪，短期出現一次強力反彈，過去未及時走貨者，可利用a、b、c反彈浪減持。

亞洲（唔包括日本）股值已跌至賬面值一點三倍（一年前係三倍），由高峰回落至今，指數已下跌57％。亞洲股市過去三十三年有90％時間市值皆高出賬面值一點三倍，只有1992及98年市值才一度低至賬面值零點九倍。唔包括日本在內嘅亞洲區股市平均息率4厘，亦係除1998及90年外過去三十年少見。藍籌股中，75％股價低於250天移動平均數，上述情況亦只曾喺1998、87、82及75年出現。呢次上升，係超賣後大反彈抑或熊市完成？讓時間告訴各位。

財富消失嘅速度永遠較增加快，例如拉斯維加斯嘅金沙，一年前市值300億美元，今天市值20億美元，一年之間蒸發掉280億美元。金沙股東才係大賭徒，去澳門金沙賭場者只係小兒科。十年黃金變爛銅，一年股票已可變廢紙！

財富管理變成炒業
1980年列根上台後，Supply-side經濟理論開始受白宮重用，當年高通脹、雙位數利率及長達十五年嘅上落市（1966至79年股市），令凱恩斯學派漸漸失去白宮寵愛。來自哥倫比亞大學嘅蒙岱爾建議列根減稅刺激經濟，其後仲有佛利民及Art Laffer、Jack Kemp等加入。上述經濟模式响1920年代美國財長Andrew Mellon曾大量引用，最終引發1929年華爾街危機，喺1933年羅斯福總統才採用凱恩斯學派理論。八十年代至2007年．Supply-side理論帶來經濟繁榮，亦同時帶來類似1929年嘅危機，歷史又再重演。

1987年格蛇出任聯儲局主席，每次金融市場出事，格蛇便出面話冇事；最後人人相信，只要金融市場出事，格蛇就會出面搞掂。有一天格蛇退休了，換上貝南奇，金融市場又再出事（去年8月），我地又以為貝南奇一如格蛇，可透過減息搞掂，點知呢次好唔掂。

1990至2007年財富管理資產金額上升五十倍，達2萬億美元；對沖基金數目超過七千隻。上述都唔係問題，最大問題出喺管理哲學上。過去財富管理嘅目標係保存財富，讓它自然增長（例如每年3％）。上一代努力賺取巨大財富後，交畀機構投資者管理，只要每年3％回報，已夠子孫永享富貴。但1990年起財富管理哲學卻轉為追求高回報，九十年代起做生意賺取本金15％一年已唔容易，但財富管理者卻欲賺取30％或以上回報。試諗吓，响唔需要濕水濕腳下每年回報30％，連做地產亦變成低回報（四叔亦話炒股好過做地產）。咁高速財富增長維持咗十七年，終於响2007年10月出事──因為我地都希望做D唔可能嘅事（例如長期每年回報30％），只有喺策略上由保守改為進取，最後連進取亦無法達標，紛紛加入炒家行列。財富管理變成炒業，最後難逃命運審判──愈炒愈少。1997年7月我地炒爆咗香港房地產，2000年我地炒爆咗科網股，2007年10月全球股市皆炒爆……。大地之母開始懲罰炒家，大有大爆、細有細爆，直到我地重新持謙卑態度為止（請不要比天高）！

美股極可能步日股後塵
1929年10月道指高點，要到1954年才打和（共二十五年）；1973年3月恒指高點要到1986年才打和（共十三年）；1990年日經見高點，十八年後今天卻創新低。2007年10月道指及恒指高點又點睇？真係英雄被困筲箕灣，不知何日返中環。1929年道指386點，响兩年零十個月內急瀉89.3％，然後由1932年5月嘅41.66反彈至1937年193點（即反彈前跌幅56％），然後一直牛皮到第二次世界大戰結束，美股才重新出現大牛市【圖一】。至今道指跌咗一年，跌幅不足50％，係咪應該入市博？木宰羊。

如以1906／07年為例（同樣係金融危機）【圖二】，道指喺7800點有條件完成熊市。2007年10月至今嘅道指，到底係1906／07年翻版抑或係1929年重演？我地只能夠做事後孔明。

我老曹睇法係：美股極有可能步1990年日經平均指數後塵，即既唔係1929年華爾街，亦非1906年道指。我老曹嘅忠告仍係持盈保泰。最後道指係回落50％完成熊市，還是回落89％才完成熊市？我老曹木宰羊，只知喺熊市中睇錯市代價好大。

奧巴馬一旦上台，加上民主黨獲國會大多數，執政後將鄙視Supply-side經濟，一如1933年羅斯福總統。美國將再次重返富人抽重稅補貼窮人嘅時代。世界輪流轉，10月28至29日利率將見1厘，之後美國經濟進入修補期，估計長達十五年。

Filed under: 曹仁超 , 曹仁超

大馬富豪身家縮水750億

（吉隆坡）國內外利空衝擊，再加上馬股節節敗退，導致身家數以億計的富豪們的“紙上財富”也跟著蒸發，調查顯示，這一次股市震盪所造成的賬面損失高達750億令吉。

根據《福布斯》的調查，受美國金融風暴的影響，大馬的富豪人數減少，原本身價達10億或以上的富豪，從19名“吹”剩12人。

其中，棕油行情直瀉，坐擁大批種植業務的郭鶴年與丹斯里李深靜也損失“慘重”，身家分別蒸發277億6000萬令吉與105億2000萬令吉。

不過，由於富豪們的財富是依據股票資產計算，若馬股恢復勇態，他們的身家自會隨著增加。

1.郭鶴年──損失277億600萬令吉
2.丹斯里李深靜──損失105億2000萬令吉
3.丹斯里郭令燦──損失65億800萬令吉
4.丹斯里林梧桐（已故）與家族──損失52億2000萬令吉
5.丹斯里賽莫達──損失51億7000萬令吉
6.丹斯里楊忠禮──損失21億5000萬令吉
7.丹斯里陳志遠──損失18億8000萬令吉
8.丹斯里鍾廷森──損失18億7000萬令吉
9.李瑞興──損失17億3000萬令吉
10.阿南達──損失16億700萬令吉
資料來源：福布斯

Filed under: 马来西亚KLSE股票

投資者日記 [曹仁超] 2008.10.27金融海嘯唔好摣金

0月26日，周日。去年11月至今快十二個月，喺呢十二個月中，等待就係最好嘅策略（太陽陳話做空軍更佳）；依家嘅策略仲係等，雖然股聖畢非德公開 叫大家入市。估計恒指14000點支持位，輕輕一捅就爆，14000點之下邊一個水平係新支持位？呢個遊戲嗰名係李小龍未完成嘅電影（即係死亡遊戲）。

焦煤價已進入塞冬。今年5及6月每噸鋼價6000元人民幣，現在已跌到3300元，10月份間間鋼鐵廠都虧本。

連雲港岸邊交貨嘅鐵礦沙價由年中每噸1200元跌到600元；焦炭由每噸3000元跌至1500元。山西焦炭聯盟宣布，由9月26日起減產50％，10月份起通過鐵路銷售焦煤價每噸減200元；通過公路銷售焦煤價每噸減300元。

中國房地產協會副會長朱中一透露，8月底全國商品房未售面積已創紀錄達一億三千萬方米。

有人形容呢次股災情況好似鐵達尼號沉沒記。因為有人信鐵達尼號係唔會沉嘅船，雖然佢撞向冰山；加上過分自信嘅船長冇即時發出求救訊號及船上太少救生艇，當其他船隻嚟到救援前，鐵達尼號已沉入海底消失矣。

道 指上周五回落312.3，收8378.95，跌幅達3.6％，全周共回落5.4％，技術表現唔算太差，起碼10月10日低位7882.51總算守得住，避 過Melt Down嘅出現！由雷曼兄弟出事至今，道指共回落26.6％，引發咗全球性股災。嗰D博熊市反彈者個個都一頸血；股票價值面對溶解威脅，股價下跌速度較國 會審批救市法案仲快。

日股支持紙咁薄
上 周五日股跌至7649點；由1990年1月起，日經大熊市至今最低係2003年5月2日嘅7603點。如本周跌穿，代表2003年5月至2007年3月日 股上升只係一次大反彈，即由1990年1月開始嘅日股熊市仍繼續（真嘅熊市可超過十八年？）。從乾坤燭【圖】睇，7603點支持好似紙咁薄，擔心一篤就 穿。日圓拆倉潮令英鎊、歐羅、澳元、紐元及加元齊齊跌；上周五日圓兌英鎊上升12％及兌歐羅上升10％。喺咁嘅壓力下，令日經平均指數上周五下跌 9.6％。

日股大跌令印度股市回落10.96％、南韓股市回落10.6％，以及恒生指數回落8.3％，擔心滬深三百指數喺本周會否難逃一 跌？分析家指出，金融海嘯已由美國擴散到歐洲及亞洲所有新興市場，近日歐洲同亞洲股市跌幅反而較美國大。點樣面對百年難得一見嘅金融大海嘯（上一次係 1929年）？對前景憂慮，令VIX指數升至前所未見嘅高位，現水平股市喺度反映未來兩年上市企業純利將下降40%至50％。到底應繼續避險定係響應股聖 號召——當人人恐懼時，自己應該貪心?!

股聖過去投資成績係點？佢第一次大量投資係喺1957至66年嘅大牛市，當年道指由416點升到 1000點。佢喺1967年出貨後，1969年宣布解散投資公司，並退出股市；1970年5月道指一度跌至627點，但1973年1月又升回1067點。 呢三年內股聖無所事事，到咗1974年12月道指見底後，1975年佢先大舉入市。呢次摸底成功，佢一直等到1987年8月先大量賣出；同年10月出現股 災，提供咗另一次入市機會。其後佢較少大手買入及賣出。換言之，股聖過去入市成績，亦唔係每次皆準。令佢名成利就係1987年10月股災後一直揸貨唔賣， 食盡成個八十年代到2004年嘅大牛市。

未來經濟只有兩條路
下月美國大選，相信除奧巴馬勝出外，民主黨亦將大勝。問題唔係邊個嘅政 綱好，而係今年股市太差，人人都希望改變。到底變好定變壞，明年再算；家個個都想「get rid of」殊仔而唔支持共和黨。唔好以為投票係以政綱取勝，事實係唔少人投票其實好情緒化。大選後民主黨喺國會優勢將進一步上升而達到壓倒性，令美國重返羅斯 福總統嘅時代（即向富人抽稅）。

雷曼事件引發全球溶解行動已由股市擴展到滙市，情況較1997年7月亞洲金融風暴更差。上次係亞洲貨幣紛紛 爭相貶值去增加自己國家出口能力（向鄰居行乞嘅行為），呢次卻係全球化；由歐羅、英鎊（上周二英倫銀行行長金格及上周四首相白高敦嘅言論有意壓低英鎊滙 價）、澳元、紐元及加元政府都有意壓低本國貨幣去爭取更多出口，自由經濟理論受質疑，凱恩斯學派又復活。七十年代凱恩斯學派漸走下坡，以佛利民為代表嘅 「小政府、大市場」主義抬頭；八十年代更成為盎格魯撒克遜統治國嘅經濟主流；美國、英國及澳洲甚至部分歐洲國家，因為呢種學說的確壓抑通脹，喺利率下降帶 動下，引發一場資產大升值潮，亦即1982至2007年嘅經濟繁榮期。喺過分寬鬆嘅金融政策環境下孕育出嚟嘅CDO市場，發展到近年已註定要出事；再次證 明金融機構一定要受監管理論係正確。雖然市場系統有自我調整能力，但往往好極端（例如1929至32年）。未來經濟只有兩條路：一、喺三年內大跌（由去年 10月起計）；二、一如日本出現Ｌ形經濟（唔生唔死）。

港人呢方面經驗已唔少，例如1973/74年恒生指數喺二十二個月內下跌91.5％，1975年起先復甦。另一個係1997至2003年，喺政府大力干預下（包括入市買股票），股市起起跌跌六年，到2003年下半年，經濟先復甦。

喺 狂潮中有人提議揸金，我老曹反對。因為當財富大量蒸發後，每盎斯金價只值600美元；短期嚟講仲有下跌空間，上阻力係750美元。喺油價下跌壓力下，連農 產品亦難逃一跌！今年7月開始進入Cash is King嘅時代。信貸市場開始結冰，利率下降唔係反映信貸再次寬鬆，而係信貸市場走向平靜（無論拆或借都少）。好似日本情況，財政健全嘅企業唔借錢，想借 錢嘅企業財政唔健康，結果係冇人肯借。全球經濟進入衰退已無可避免，問題係深淺及長短。呢個衰退到底係深而長定係淺而短？

格蛇承認自己低估 衍生產品嘅威力，佢一向認為銀行家可自行監管。換言之，政府一直冇監管衍生產品，先令家吓出現金融海嘯，政府目前連數據都冇，又點樣挽救？件事嘅起因係尋 租作用。你可用1厘息借到錢，投資4厘嘅MBS（Mortgage Backed Securities），可淨賺3厘。喺樓價上升時，MBS似乎好安全，但如果樓價下跌，MBS可以一蚊都唔值；結果係害死保險商（AIG）及所有投資 MBS者。家吓甚至再將利率降至1厘都冇用，因為信心已動搖，冇人再信MBS，亦冇人再借1厘息成本嘅資金去放喺4厘息MBS身上。買樓者喺借唔到錢嘅情 況下，樓價點止跌回升？

自從1971年美元進入浮動滙率後，美股大熊市有三次。一、1973年4月至1974年12月，標普五百指數回落 43.4％；二、2000年8月至2003年2月，標普五百指數回落43.7％；三、1929年9月至1932年6月，標普五百指數回落84.8％。分析 家相信，呢次次按危機威力超過1973年石油危機及2000年科網股泡沫爆破，但相信唔會重演1929年華爾街大危機。最後跌幅幾多？讓市場自己話畀你 知。

克仔前經濟顧問Nouriel Roubini（近期名氣大盛，因2006年7月起佢已預測美國將進入衰退）喺接受CNBC訪問時話，美國將有兩年經濟負增長期（唔係兩季，係兩年），較 上一次長三倍；佢接受《每日電訊報》訪問時估計，八千隻對沖基金中有25%至30％將消失，其中唔少係投資新興市場，令新興市場股市跌幅較美股大（呢個情 況已出現）。

外滙市場屍骸遍野
亞太區股市成為新一輪下跌重災區，例如日經平均指數已接近2003年最低位。南韓、澳洲及香港以至整 個亞太區皆出現重挫，金融海嘯已由北美洲吹到歐洲，然後到亞洲。美國同英國皆紛紛減息，但匈牙利卻將利率提升到11.5厘及羅馬尼亞提升到10.25厘。 東歐國家正面對外資大量撤離，明年經濟增長率估計由10％降至零！再次證明外資靠唔住。

Thrivent Asset Management（管理700億美元）嘅Michael Binger認為，金融市場已由估邊間銀行倒閉，改為估邊個國家破產。

MSCI 指數已十分接近2003年8月；全球股市喺一個月唔夠嘅時間內冇咗10萬億美元市值或三分一總市值。新興市場平均跌幅係47％（約6600億美元）；標普 五百指數中超過二百間公司公布業績，純利平均較去年減少23％；美國汽車銷售係二十五年內最差嘅一個月。亞太區股市喺過去八星期中有七星期係下跌， MSCI亞太區指數已跌至2004年5月前最低。以指數成分股計，中信泰富（267）喺一星期內下跌65％係最大，因喺外滙投資上蝕咗接近20億美元。澳 元成為重災區，上周五兌日圓下跌12.7％，見57.75日圓；兌美元下跌8.3％，見61.88美仙，係1976年11月宣布貶值17.5％以嚟最大一 天貶值。澳元兌日圓已係八年內新低，兌美元係五年內新低，理由係包括商品價下跌及日圓利差交易。紐元上周回落9.1％、土耳其里拉回落12.7％及南非蘭 特回落9.4％，外滙市場亦屍骸處處。

Filed under: 曹仁超 , 曹仁超

我的分享集23.10.2008 全球股市大跌，进场？

这几天，几乎全球股市都在大跌，无一幸免。 但是，以反思角度思考，现在是时候进场吗？目前为止，我们还不至于看到全球衰退的迹象。当全球都有大量的裁员浪潮，你大概可以感觉到是低部了。就是那种似乎世界末日来临的感觉。

那么在对的时候，应该买入对的股票。什么才是对的股票？本人在此声明，我并不推荐股票，在这个时候，钱就是王。 Cash is King. 那么应该买入被超卖了的大公司，而且越多现金越好。各位，在马来西亚，大公司，而现钱充足的没有很多，不妨读Annual Report 找找，在今年年未跌入超过700点时入场吧。收它五年十年，报酬肯定可观

Filed under: 我的分享集, 马来西亚KLSE股票 , 我的分享集

投資者日記[曹仁超] 2008.10.23春節前後將爆發裁員潮

10月22日，周三。恒生指數跌774.57，收14266.6，成交540.93億元。10月期指跌1064點，收14106點；11月期指跌1105點，收14037點，期指倒掛現象又出現。再睇吓恒指每日乾坤燭【下圖】，前支持點（10月10日）14675點已失守，後市進一步睇淡，恐怕14000點不保。

 

美元7月初至今已回升16％；兌澳元、英鎊、歐羅、加元及韓圜大幅攀升，小數跑贏美元嘅貨幣只有日圓（因利差交易），持有12萬億美元資產嘅外國銀行亦陷入去槓桿化，呢D貸款必須用美元進行償付，面對美元減息及經濟正陷入衰退，美元滙價仲咁強，歐羅信心面對考驗。
明年歐洲GDP升幅估計只有0.5％（9月份估計係0.9％）；至於加元同美元利率差距收窄，加元亦面對拋售壓力；英鎊估計明年GDP只有0.6％增長；反之，美元利率只有1.5厘，甚至減至1厘影響亦唔大（因冇人存美元收息）。
周二英國央行認為，英國已進入衰退，上述宣布令英鎊回落2.5％，見1.66美元。
英國股市連續第二天下跌，歐羅跌至兌1.28美元；銅價每磅跌穿2美元，係2005年12月以嚟首次。全球最大鐵礦石生產商Xstrata plc跌9.3%，收971.5便士。
印度孟買SENSEX指數跌4.81%；印尼指數跌4.19%；滬深三百指數跌2.56%；連埃及指數亦跌8.41%；日經平均指數更出現6.79%跌幅，全球股市冇一個上漲。
中信泰富（267）事件到底係單一定係眾多上市企業其中一間？國際貨幣市場大上大落，有幾多上市企業參與外滙買賣？一旦睇錯市損失點計？作為投資者又點樣保護自己利益？一連串問題未獲解答前，恒生指數只有繼續尋底。
美國經濟正步入衰退，每過一天訊號更明顯；比較慶幸係美國唔係出現三十年代式蕭條，而係九十年代式日本衰退，但1990／91年度及2001年軟着陸，兩者透過減稅及減息可重振，呢次較對上兩次嚴重，因減息及減稅仍起唔到作用。The party really is over. The count down is on.
一位倫敦銀行家話：「The real deterioration in the economy is only just beginning!」企業裁員潮剛開始，估計聖誕節前後先係高峰（香港相信係春節前後）。
中國GDP增長率今年第三季只有9％，明年可唔可以成功保八？成千萬鄉村勞工每年湧入城市，如中國GDP增長率少於8％，已可帶嚟社會唔穩定。
金融海嘯後，金融市場從此唔一樣──吹笛人地位一落千丈，甚至再有人吹笛亦搵唔到咁多細路跟佢走！好似1990年後嘅東京、1997年後嘅香港及2000年後嘅美國硅谷。甚至重新站起嚟已同過去唔一樣；金融業重返往日情況，即服務其他行業而唔係尋租。1990年開始發展起嚟嘅影子銀行體系將大幅收縮，而唔係進一步擴大，擔心大部分銀行因此冇咗呢方面嘅利溢來源。
去年相信係信貸擴張周期嘅頂【下圖】，估計今年全球信貸增長率只有7％及明年再下降到5％。根據惠譽估計，不但東歐信貸增長急速放緩，拉丁美洲亦一樣；仲有中東及非洲，只有南非例外。喺OECD國家中，信貸增長跌幅最大係西班牙及瑞士；擔心冰島、愛爾蘭、丹麥及英國亦加入，後者銀行系統正受到嚴重挑戰。部分歐羅區國家經濟已陷入衰退，相信明年美國進入機會極大。對嗰D依賴外資流入去保持經濟繁榮嘅國家而言係一項威脅，因外資銀行正全面收緊信貸，例如波羅的海指數已出現硬着陸。理由係外資銀行要留更多資金喺本土內以應付需求；形成呢次經濟衰退與過去唔同，因加添銀行系統出問題嘅機會（情況好似1990年日本）。

 
以冰島為例，2006年2月已被信貸機構列入高危區，家吓已出現嚴重危機；哈薩克情況亦極度唔樂觀，反而俄羅斯情況唔使太擔心。中東嘅卡達已獲其他國家注資支持。英國、荷蘭、西班牙及澳洲信用已降至BSI嘅B級，依家已冇一個國家仍獲A評級；比利時、愛沙尼亞、盧森堡及拉脫維亞已被降至D級；冰島降至E級；以色列、波蘭及台灣卻升上C級；多明尼加共和國升上D級。
上述嘅BSI（Banking System Indicator Quality）係由譽惠評估個別銀行而設。三大元素包括私人信貸與GDP關係、外滙情況、股市及地產價格動向與NPL（不再產生收益貸款）比重。被降為D級者代表體制已好弱，B級仲算安全，C級值得留意。家吓視為最安全嘅銀行系統有奧地利、百慕達、德國、香港、日本及新加坡。作為香港人，切勿庸人自擾之；香港銀行體系係世界上五大最安全嘅地區之一，地位甚至高出美國、英國同瑞士（即傳統金融中心）。
面對信貸增長率放緩，明年全球陷入衰退機會已高達80％，作為投資者只有耐心等候衰退來臨後先作決定。
根據Eurekahedge Pte嘅資料，因美國政府唔准裸空，令對沖基金指數（包括二千四百三十一隻基金）9月回落7.9％，係2000年該指數成立以嚟最大跌幅月份。
對沖基金由十年前4900億元上升到家吓1.9萬億美元，9月出現呢個跌幅引發唔少基金持有者兌現。
內地銀行體系好穩定
值得慶幸係今天中國嘅銀行體系已好穩定，可媲美大部分OECD國家。不良貸款比率已下降；加上中國唔使依賴外資，因此冇信心危機。大部分國企槓桿比率唔高；加上中國消費仍在上升（雖然樓價回落及股市回落），因中國人儲蓄率甚高，只有5％中國家庭過度投資喺股市，令股市下跌影響面唔大。估計明年最低潮時，GDP增長率可能降至7％。
事前好多人未想過去年8月貝爾斯登兩隻對沖基金失敗，可引發今年嘅金融海嘯，主因係環球化環境下，各國之間已冇防火牆，一個致命嘅缺點可擴散成為全球化。去年8月貝爾斯登對沖基金失敗，代表價值投資法失效，原來皇帝係赤裸裸冇着新衣。呢個事實卻由一個細路仔一語道破，各大臣及尊貴人士唔係睇唔到，而係費事講。歷史就係由一連串荒謬嘅事件串成，今天亦唔例外。
1997年7月我老曹曾寫過，未來香港物業投資者將面對全新世界。戰後只要有錢買樓及有實力捱過經濟困難期，香港物業最終仍處上升環境；1997年7月嚟臨後，一切已改變（十一年過咗，今年本港樓價高峰期仍無法超過1997年7月，豪宅除外）。擔心去年起美國物業市場情況好似1997年7月後香港嘅樓價，因歷史性高位已出現！呢次美國樓價回落唔係另一次調整，而係見頂回落。美國由2006年7月起及英國由去年8月起進入長期樓價回落期。去年10月IMF警告美國樓價Overpriced 40％；荷銀認為Overpriced 50％；瑞信報道今年年頭至今樓價只回落10％。Capital Economics嘅Seema Shah認為，明年年底前再回落25％；Primemove.Com則估計，喺2012年前回落30％；即未來四年美國同英國樓價仍係向下。
去年起最差嘅投資策略就係「Buy To Let」（買樓收租）。因為英美樓價進入長期下降趨勢。依家租金回報只有3.5厘，樓按利率7厘左右，表面虧損3.5厘，另加每年樓價跌8.5％。
有人問寫字樓又點？家吓倫敦寫字樓回報率4.5厘，情況亦唔妙。Capital Economics估計，喺2010年前回落18％。請遠離英美物業市場係我老曹嘅忠告。
响熊市中，企業宜保持較高流動比率（Current Ratio，亦有人叫Liquidity Ratio或叫Cash To Assets Ratio）。簡單D嚟講，流動資產應係流動負債一點五倍；任何公司流動比率低於一都要小心，各位如要喺淡市投資，宜選嗰D流動比率一點五或以上嘅公司先好投資，起碼知道佢地唔會破產。
响熊市中損失慘重者，都係嗰D忘記問自己假如自己睇錯市點算嘅人。你會睇錯、我會睇錯、四叔會睇錯、森池兄會睇錯及股聖畢非德亦同樣可以睇錯。睇錯市唔係千古罪人，自古至今邊個無錯？只要知錯能改，便善莫大焉。我老曹最大優點就係勇於認錯，例如投資方面一旦回落15％，便問自己有冇睇錯？一旦跌20％，便好肯定係自己睇錯。除止蝕外別無他法。
價值投資法與大趨勢係股市內經常爭拗嘅兩股勢力。例如股價係咪跌至足夠反映未來利淡因素水平？前者係評估機器，後者係投票機器，前者以靜制動，後者永遠衝動。唔係把股市推向偏高，就係把股價推向偏低；咁樣非常唔理性，最終平衡呢種力量係價值投資者嘅吸納及沽售，只係近年力量此消彼長，相信趁勢嘅人已佔壓倒性，令價值投資者力量萎縮得好厲害。
繼股神之後，另一超級大戶Jeremy Grantham （GMO主席）認為，美股見底可大手吸納；理由係物有所值。
次按拉近貧富懸殊
今天《信報》短打提及嘅James Cramer，我老曹亦係佢讀者之一，眼見佢由8月15日起不斷估底及叫投資者買銀行股，結果係累人累物；9月30日起改為唔再估底改為睇淡，點知10月份美股又大反彈，連世界著名股評人亦犯咗淡市莫估底戒條，又點怪得普通投資者。
各位仲記得Kirk Kerkorian嗎？今年6月用咗10億美元，大手吸納6.5％福特汽車，至今福特汽車股價下跌60％；佢响周一以每股2.43美元拋售七百三十萬股，另計劃再拋售一億三千三百五十萬股，證明大戶都會睇錯市。
1997年8月至2003年4月係殺中產階級期，唔少中產人士變成負資產；去年11月起呢鋪係殺超級大戶，愈有錢愈死，真係億億聲咁蝕。
估計10月28、29日聯儲局再減息半厘，利率又重返美國大蕭條時期，減息係咪啟示大蕭條重臨？
周二聯儲局宣布，動用5400億美元去購買貨幣市場互惠基金，協助佢地有能力吸納商業票據，代表信貸信心又再出問題？
7月至今銅價跌幅已達50％（其中33％喺最近三十天完成），咁係代表乜嘢？
標普五百指數平均P/E會唔會低過十倍？每一泡沫會不斷擴張直到爆破為止。
投資無涯、唯止蝕是岸。冇止蝕盤嘅投資好似冇腳嘅小鳥（最終累死自己）。今天抵買股份何其多，問題係明年經濟前景未明朗，都係忍手為上策（即最多只可動用全部資金30％）。喺熊市中股市回升25％話都冇咁易，但只有專業投資者先可以捕捉到呢D機會。
對我老曹嚟講，因一向相信太極圖（任何事物皆此消彼長），1982至2007年呢二十五年嘅經濟逐步自由化而創造出嚟嘅財富效應，引發貧富懸殊問題，透過次按危機又把兩者拉近（過去一年，富人虧損數字肯定較窮人大）。經濟又由一個極端走向另一極端，周而復始。今年起全球政府對經濟嘅管制將由過去二十五年走向寬鬆，變成重新加強起嚟。雖然自由經濟制度及民主建制長存，只係鐘擺又向另一邊擺動。今年嘅金融制度溶解（Melt Down）已被制止，相信唔會出現三十年代美式大蕭條，但信貸壓碎（Credit Crunch）仍未過去；一籮籮呆壞賬未被清理。投資者嘅貪念已消失，但恐懼未除；全球經濟進入痛定思痛期。過去十八年日本經濟已出現L形貧窮，富者愈富時代雖然結束，但窮人數字大幅上升形成L形（唔係M形）社會。

Filed under: 曹仁超 , 曹仁超

巴菲特瞓身美股

正 當 美 股 近 期 瀰 漫  一 片 愁 雲 慘 霧 之 際 ， 美 國 股 神 畢 菲 特 罕 有 地 高 調 發 表 評 論 文 章 ， 大 聲 疾 呼 現 時 是 適 當 入 貨 時 機 ， 並 揚 言 若 價 格 持 續 具 吸 引 力 ， 將 不 惜 連 個 人 財 富 悉 數 押 注 落 美 股 。

股 神 解 釋 ， 作 出 是 次 決 定 ， 除 了 反 映 他 一 貫 信 奉 的 「 在 別 人 貪 婪 時 應 恐 懼 ， 在 眾 人 惶 恐 時 應 貪 婪 」 的 投 資 座 右 銘 外 ， 美 國 經 濟 百 多 年 來 每 次 遇 上 危 難 都 能 逢 凶 化 吉 ， 捲 土 重 來 再 闖 高  ， 亦 是 他 決 定  身 入 市 的 最 大 依 據 。

對 有 實 力 巨 企 　 毋 須 擔 憂
CNBC 的 評 論 指 出 ， 雖 然 眾 所 周 知 ， 畢 菲 特 仍 然 看 好 美 國 經 濟 的 長 線 前 景 ， 但 他 從 不 喜 歡 就 股 票 市 場 說 三 道 四 ， 是 次 他 一 反 常 態 ， 大 聲 疾 呼 叫 大 家 買 貨 ， 並 會 身 體 力 行 ， 揚 言 會 動 用 所 有 個 人 資 金 入 市 ， 反 映 他 確 實 認 為 當 前 是 千 載 難 逢 的 機 會 。
畢 菲 特 在 《 紐 約 時 報 》 撰 文 說 ， 現 時 金 融 市 場 雖 然 一 片 混 亂 ， 而 就 業 市 道 和 企 業 活 動 短 期 內 亦 可 能 會 轉 弱 ， 人 心 虛 怯 ， 但 就 是 因 為 他 一 直 繼 續 奉 行 「 在 別 人 貪 婪 時 應 恐 懼 ， 在 眾 人 惶 恐 時 應 貪 婪 」 的 原 則 ， 故 他 近 期 仍 不 斷 買 入 美 股 。
畢 菲 特 承 認 ， 部 份 高 負 債 及 低 競 爭 力 的 企 業 ， 的 確 值 得 憂 慮 ， 但 若 人 們 連 美 國 許 多 實 力 雄 厚 企 業 的 長 遠 前 景 亦 感 擔 憂 ， 實 在 不 合 理 。 他 相 信 ， 面 對 這 次 金 融 海 嘯 ， 企 業 盈 利 可 能 暫 時 倒 退 ， 但 相 信 一 如 過 往 ， 大 多 數 大 企 業 在 未 來 5 年 、 10 年 或 20 年 的 盈 利 ， 仍 然 可 望 再 創 新 高 。

畢 菲 特 今 年 投 資 美 股 行 動
A ） 4 月 28 日
股 神 與 朱 古 力 生 產 商 Mars 聯 手 收 購 香 口 膠 生 產 商 箭 牌 （ Wrigley ） ， 涉 230 億 美 元

B ） 8 月 16 日
巴 郡 購 324 萬 股 德 州 電 力 公 司 NRG Energy ； 同 時 增 持 雪 櫃 生 產 商 Ingersoll-Rand 股 權

C ） 9 月 18 日
巴 郡 旗 下 MidAmerican 能 源 公 司 以 47 億 美 元 購 入 美 國 大 型 能 源 企 業 Constellation Energy

D ） 9 月 24 日
巴 郡 斥 50 億 美 元 投 資 高 盛 永 久 優 先 股 ， 並 在 未 來 5 年 獲 得 50 億 美 元 普 通 股 認 股 證

E ） 10 月 1 日
巴 郡 斥 30 億 美 元 購 入 通 用 電 氣 （ GE ） 優 先 股 ， 享 10 厘 高 息 外 ， 亦 可 購 入 30 億 美 元 普 通 股 認 股 權 證

壞 消 息 乃 投 資 者 最 佳 朋 友
儘 管 畢 菲 特 認 為 美 股 短 期 走 勢 難 以 猜 測 ， 但 他 表 示 將 來 投 資 情 緒 或 經 濟 好 轉 前 ， 美 股 可 能 已 大 升 ， 正 如 「 人 們 等 知 更 鳥 報 春 時 ， 春 天 已 經 結 束 了 」 。 他 以 歷 史 作 為 佐 證 ， 指 美 國 經 濟 經 歷 每 次 風 暴 後 ， 捲 土 重 來 的 例 子 不 勝 枚 舉 。 例 如 1930 年 代 正 值 經 濟 大 蕭 條 ， 美 股 道 指 卻 早 於 1932 年 7 月 8 日 已 見 底 ， 其 後 經 濟 持 續 惡 化 至 美 國 總 統 羅 斯 福 於 1933 年 3 月 時 上 任 ， 但 當 時 美 股 已 從 谷 底 上 升 了 30% 。
此 外 ， 畢 菲 特 又 提 及 二 次 世 界 大 戰 ， 美 軍 在 歐 洲 及 太 平 洋 失 利 ， 而 美 股 在 1942 年 4 月 見 底 後 回 升 ， 但 盟 軍 在 很 久 之 後 始 扭 轉 劣 勢 。 他 續 稱 ， 在 80 年 代 買 入 美 股 的 最 佳 時 機 ， 正 是 滯 脹 肆 虐 時 ， 因 此 他 強 調 ： 「 壞 消 息 是 投 資 者 的 最 佳 朋 友 ， 因 這 時 是 執 平 貨 的 良 機 。 」

股 票 將 跑 贏 　 持 現 金 不 智
股 神 指 美 國 上 世 紀 經 歷 不 少 危 機 ， 如 兩 次 大 戰 、 大 蕭 條 、 石 油 危 機 和 數 次 金 融 危 機 等 ， 但 道 指 仍 由 66 點 漲 至 11497 點 ， 故 長 遠 計 股 市 通 常 表 現 理 想 。 雖 然 美 股 上 世 紀 勁 升 ， 但 部 份 投 資 者 買 入 股 票 後 ， 受 壞 消 息 困 擾 而 以 低 價 沽 貨 ， 故 蝕 本 收 場 。
他 批 評 ， 現 時 市 況 波 動 ， 不 少 人 寧 願  現 金 也 不 願 持 股 ， 此 舉 實 屬 不 智 。 他 指 出 ， 美 國 的 救 市 措 施 可 能 刺 激 通 脹 ， 意 味 現 金 會 失 去 購 買 力 ， 因 此 在 未 來 10 年 ， 股 市 表 現 幾 乎 肯 定 會 跑 贏 現 金 ， 甚 至 會 大 幅 跑 贏 。 畢 菲 特 強 調 ， 若 美 股 持 續 低 迷 ， 其 私 人 財 產 （ 不 包 括 其 投 資 旗 艦 巴 郡 ） 會 全 面 投 入 美 股 的 懷 抱 。

Filed under: 巴菲特 , 巴菲特

曹sir金句

女性對理財知識的需要較男性更大，因為在家靠父、出嫁從夫、老來從子的日子已一去不返。
－－2007年10月2日, 國慶港人愛國企

投資亦一樣有時贏、有時輸、有時略有損失，但不能全軍盡墨。三十歲前要博，六十歲後要穩。年輕時資金少、智慧唔多，只有勇氣多，因此要博；年紀大左、資金多左、智慧多左，反而勇氣少左，因此要穩，因為已經輸唔起。
－－2007年10月3日, 極度超買再超買

可以改變你一生命運的係二線股（明日的藍籌股），唔係今天的藍籌股，策略係「狠、忍、準」，一旦睇得準，便要忍，一如鯊魚（死咬住唔放）般狠！
－－2007年10月5日, 敲敲冷馬又如何

千變萬變最後離不開真實，就係P/E八到十二倍係偏低、十二倍到十八倍合理、十八倍到二十二倍偏高，一旦超過二十二倍，便必須企業純利保持高增長（例如連續幾年每年純利上升30％或以上），而上述情況通常唔能夠維持超過三年，亦係泡沫由形成到爆破好少超過三年的理由。
－－2007年10月8日, 龍捲風吹起大笨象

投資二線股策略係Double或虧損15％離場，但唔好感情用事。勝敗乃兵家常事，千萬不可有輸唔起心態。
－－2007年10月12日, 港股成吸金機器

人人皆知擲銀幣最後結果一定係50％公、50％字。非理性投資者可以不斷擲銀仔，加上嚴守止蝕唔止賺，令贏面提升至75％；反之，理性投資者因擔心輸而唔擲，最後忍唔住手才擲，輸的機會同樣係50％。
－－2007年10月15日, 太理性坐失良機

我老曹一早已發現財富獲得唔係來自辛勤工作，而係來自聰明投資策略。
－－2007年10月20日, A股基民搶購QDII基金

賺大錢需要的環境，就係股價在合理價（normal range）之外上下擺動，情況有如河流在暴雨之後暴漲一樣澎湃，但堤壩面臨河水暴漲帶來威脅，一旦崩堤便成災。
－－2007年10月23日, 賺咗指數唔賺錢

太早睇淡或太早睇好都係死罪，Timing is everything。
－－2007年10月25日, 有機會重返50天線

今天股票市場再唔係行人路（讓各位漫步），而係競技場—鬥智兼鬥眼光的地方。
－－2007年10月31日, 08大勢— 科技股

我老曹1968年年底入行至今快三十九年矣，請問股市幾時有「理性」過？股價從來唔係偏高就係偏低，往往在Boom & Bust之間來回擺動。
－－2007年11月1日, 好，仲有更好！

成功與失敗、賺錢與虧損往往只係一線之差，一切由小小一個洞察力（insight）開始，就係過去三十年我老曹一再強調要洞燭先機，而唔係勤力過人。
－－2007年11月2日, 美國出現三低三高

投資就係找尋明天的大贏家；我老曹近十年早已採用呢個投資策略，即Asset and Sector Allocation Model。利用資產分配及行業盛衰去制定自己投資大方向。
－－2007年11月3日, 科學化投資策略

市場往往由一個極端走向另一極端，並冇合理價。
－－2007年11月7日, 美國好快第三次減息

我地已唔需要大牛市去賺錢，而係努力去射中牛眼，追求100％回報（或跌15％離場）。
－－2007年11月8日, 努力射中牛眼

唔係所有投資都會增長，割掉虧損幾時都要做，情況有如農夫需要清除田裏雜草，讓禾稻長得更好道理一樣。
－－2007年11月10日, 港股一D都唔貴

每一個投資者都希望坐股市尾班車走（賺盡每一分錢）。可惜當尾班車開走時，經常仲有大批人留在月台上，未有及時上車。
－－2007年11月17日, 內房股一舉三得

當富豪們花一億幾千萬元購入所謂現代藝術品之時，通常亦係股票市場見頂日子。
－－2007年11月20日, 明年可能見負利率

尋底係高危動作，除非你有四叔咁雄厚資本就例外。
－－2007年11月24日, 抽新股遊戲風險提升

每一個Deep V都係膽小者出貨、膽大者撈底的日子。到底你係「膽小鬼」抑或「深溝」受惠者？
－－2007年11月30日, 關刀砍樹枝形成深溝

愈想賺錢的人愈冇錢賺（財不入急門）。做股票要耐得住寂寞，唔跟風，自己做功課，完成功課後等候安全價才出擊，堅守止蝕唔止賺原則。
－－2007年12月3日, 快快快火燭車到埗

作為投資者應在泡沫產生期加入，成長期持有，脹大期獲利回吐，然後加入另一泡沫產生期。
－－2007年12月4日, 大行嗌Sell啼笑皆非

唔好睇少二線股壯大速度:滴水可成洋、聚沙可成塔。今天藍籌股都由過去二線股開始。
－－2007年12月6日, 次按明年第二季解決

我老曹經歷咁多，能夠學到的，就係無論發生乜事，保持頭腦冷靜最重要，其次係sustain power。
－－2007年12月8日, 問題未解決 輕傷變淌血

追隨趨勢，尋找純利進入高增長期的股份，才係最佳投資策略。股市內的悲劇係大部分投資者皆忽略趨勢，只睇走勢，往往賺粒糖、輸間廠。
－－2007年12月11日, 牛眼投資法改變一生

追隨趨勢，尋找純利進入高增長期的股份，才係最佳投資策略。股市內的悲劇係大部分投資者皆忽略趨勢，只睇走勢，往往賺粒糖、輸間廠。
－－2007年12月20日, 人多嘅地方唔好去

股市無先知，你唔係，我唔係；但卻有成功策略，例如買乜？何時買？何處買？
－－2007年12月22日, 男士女士齊流鼻血

熊市唔係一天內出現而係逐漸浮現，資金由弱項流向強項，最後連最強項目亦回落，人們才驚叫熊來了。
－－2007年12月29日, 港股今年升37％

投資就係將你的資本去冒險，你可能因此而有所損失，但千萬不可全軍盡墨，永遠記住保本較增值更重要。
－－2008年1月7日, 覆巢之下無完卵

股票市場係20╱80遊戲，即20％投資者贏80％投資者錢的地方，如果你唔係20％勝利者，就係80％失敗者。
－－2008年1月17日, 2 5 0天線支持區

點解仲有咁多人醉心於估頂、估底遊戲？真正理由係想證明自己幾醒，但股市專收醒目仔。
－－2008年1月26日, 最大反彈可見27000點

每一個投資者入市前，必須先評估自己承受風險能力，一如參加選美女士必事先知道要穿泳衣觀眾前走來走去，被人評頭品足，如果捱唔住千祈咪參加。
－－2008年1月30日, 再減息後情況更壞

先買後賣同先賣後買有乜分別？目標一樣係賺錢，點解先買後賣係股神、先賣後買係衰人？
－－2008年2月1日, 累股票據累死你

市場一向無大小（冇大戶與小戶）之分，只有醒目資金同愚蠢資金之分。
－－2008年2月4日, 鼠年要在波動市搵食

食有時，睡有時；投資有時，不投資亦有時。每年一定有一個購買點及一個沽售點。今時今日只有耐心等候購買點出現，不然只是盲動。
－－2008年2月22日, 耐心等候購買點

群眾在轉角市出現前通常犯錯。
－－2008年3月6日, 美國政府無賴！

小心狂升之後就係暴跌。所謂「彈散彈散」，唔反彈又點可以散？
－－2008年3月28日, A股踏入熊市

別人恐慌時你貪心，別人貪心時你恐慌，唔做好友、唔做淡友，只做炒友（Trader）！
－－2008年4月14日, 三先策略

股市冇過去，只有將來；炒股票唔係炒過去業績，而係炒前景展望。
－－2008年4月17日, 做對沖基金經理好過做皇帝

愈接近升市尾聲，投資者投入的資金反而愈多，結果將大部分利潤輸掉。
－－2008年5月13日, 大尾巴作怪

Filed under: 曹仁超 , 曹仁超

投資者日記 [曹仁超] 2008 10 16現在估底實太早

10月15日，周三。恒生指數跌834.58，收15998.3，成交522億元。10月期指跌1139點，收15940點。美國三藩市聯儲銀行主席葉倫認為，美國已陷入衰退。過去兩天，二十三個已發展國家股市反彈12％後，似乎已完成反彈。必和必拓回落11％，因銅價下跌；Anglo American亦回落12％，因鉛、錫及鎳跌價；力拓回落6.1％；本港恒鼎實業（1393）跌18.18％；兗州煤業（1171）跌10.02％。

注資不能改變股市走勢

CRB指數（代表十九種原材料）跌幅已達39％，可以媲美2000至01年（跌幅37％）或1997／98年（跌幅28％）。家吓銅價仍較2001年低潮時高出三倍；油價同1998年低位10.35美元距離仲好遠。根據哈佛大學經濟學家Martin Feldstein（佢同時係美國商業周期成員）研究，通常商品價格見底後一年經濟先復甦。換言之，即使CRB指數最近已見底，我地最少仍面對一年衰退期。高盛證券估計，明年鉛價將回落17％及銅價回落12％。UBS估計，鎳價仲有32％及白金50％下跌空間。摩根士丹利估計，明年鉛價將回落20％及鈀金45％。如佢地嘅預測準確，即距離衰退結束期仲遠。股市通常响衰退結束前三至六個月先見底，依家估底係咪太早?!

聯儲局宣布，連同G7將採取一切有需要手段去水浸金融市場。上述行為可能引發股市短期反彈，可唔可以改變股市長期大方向？答案係唔可以。

花旗調低中國境內銀行純利估計，平均達20%至26％，明年再減少22%至28％。內地銀行股前景繼續睇跌，令喺本港上市內地銀行股嘅股價今天跌幅好大。

德國經濟信心指數急跌，令思捷環球（330）下跌10.6％。

特首今天認為，呢次全球信貸壓碎，較1997年亞洲金融風暴嚴重，香港已進入不穩定期，並已擔保全港存款安全。過去十二個月全球股市冇咗7萬億美元市值，香港經濟係海島式經濟，無法避免唔受外面因素影響，何況過去港股受流動資金推動而一度升上32000點；去年所產生嘅財富效應及今年財富萎縮，令香港成為世界經濟中最槓桿化嘅地區之一。面對呢種局勢，特區政府可做嘅事好有限，市民只有自求多福。擔心全球經濟陷入衰退，令反彈市好短命，各國政府只係成功制止恐慌，卻未有解決危機。

美國金融危機已波及中國樓市，海外投資機構急於出貨，令滬深三百指數回落1.05％，收1914.36。

滬深三百指數又再失守2000點，中石化下跌6.48％、國壽下跌4.844％及金牛能源跌停板；西山煤電、平煤及神火等跌幅亦好大；新農開發跌停板，冠農、北大荒及民和跌幅超過7％；後市繼續向下沉。

Iowa Electronic Markets（IEM）家吓盤口係11月如奧巴馬勝出，85元賠100元；如麥凱恩勝出，16元賠100元。睇嚟各位又要準備為奧巴馬震驚。如奧巴馬勝出，美國黑人以為自己大哂，咁都幾煩。如奧巴馬失敗，美國黑人又肯定美國白人歧視佢地！換言之，無論下個月大選結果係點，美國經濟都面對另一場震驚。

聯儲局計劃購買通用電氣等短期債券，支持家吓市值只有1.6萬億美元CP市場，只係咁樣會令其他公司更加唔易發商業票據。

有人形容依家美國經濟好似剛急救成功嘅病人，雖然已離開深切治療室，但各位唔好希望佢明天可以參加跑步。

紐約大學Nouriel Roubini教授認為，美國將進入四十年內最嚴重一次衰退，估計長達十八至二十四個月，失業率高達9％；未來住宅樓價再下跌15％；次按危機帶嚟約3萬億美元虧損（10月7日IMF估計1.4萬億美元），家吓已公布嘅虧損只有6370億美元。

雷曼兄弟三千五百多名活躍客戶持有450億美元證券，因雷曼兄弟破產，佢地無法操作自己嘅戶口，喺最近一個月跌市中損失慘重，如因此資不抵債，仍需補孖展。佢地可能較雷曼迷你債券苦主更苦，因雷曼兄弟破產而無法止蝕先會變成負資產。

花旗估計，歐羅兌日圓將回落13％，年底見120日圓兌1歐羅或1.28美元兌1歐羅。

歐洲央行主席希望重返布列頓森林時代（金本位制），以便建立金融系統紀律及固定滙率。世界經濟似乎回到過去？

大部分企業純利負增長
上周道指回落20％，係1914年12月以嚟最差一星期，理由係銀行同業拆放市場出現問題。本周各國政府注資後，銀行同業拆放市場恢復正常，但拆息仍高企（美元拆息仍高出聯邦基金利率）。財經歷史學家John Steele Gordon翻查由1792年美國政府第一次挽救銀行至今，發現每隔二十年便有一次金融危機，證明銀行及信貸市場係唔可以實行自由市場經濟；呢次金融危機成因係金融系統引入大量創新產品。上一次係1989年S&L及垃圾債券危機，由於規模唔大，好快便撲熄咗；接住係1998年長期資金管理公司危機（或俄羅斯債券危機）；呢次係次按危機。相信危機最終亦會被撲熄，自由民主政治及自由市場經濟長存。

展望未來，英美樓價繼續下跌，以及銀行繼續需尋找新資金注入以提升穩健性。62萬億美元市值嘅CDO市場，已減少至上周五嘅50萬億美元，估計未來仲會繼續減少落去。最終經濟可復甦，問題只係唔知邊一天開始。與1989年六四事件唔同，當年滿街鮮血（政治方面）係入市時機；今年反而係市場好麻煩（Trouble in the market）才令滿街鮮血，不可一概而論。恒生指數由去年10月高峰至今，已大跌超過50％（其中一半由9及10月完成）。1974年嘅教訓係遲入市好過早入市。

雪茄伏認為，政府一連串措施只能穩定金融系統，但無法阻止衰退出現；美國樓價仍在回落，即銀行界虧損仍在擴大。佢唔認為大量注資可引發通脹（喺衰退期通脹唔會出現），反而應擔心我地幾時先可以擺脫衰退。

黑石集團CEO施瓦茨曼認為，銀行恢復健康需時（呢間公司去年6月以31美元上市，最近市價11.54美元），銀行股冇吸引力。

Jeremy Grantham係GMO主席，佢認為家吓入市仍太早，因為美股仲未算便宜。

Caroline Baum認為，八十年代至今，央行透過放鬆銀根政策去對付泡沫爆破；最後一次係納指由2000年3月至2002年10月回落78％，減息至2003年6月1厘後亦回升。呢次樓價回落一樣係採用減息方法，但日本銀行1990年至今已證明甚至減至零利率，仍無法令日本樓價上升，英美會否例外？

好多人近日誇口自己一早預計次按危機出現，而忘記太早睇淡係死罪。2006年年初已睇淡，便錯過去年大牛市帶嚟嘅風光；最叻嘅人喺去年10月先睇淡！同樣理由，太早睇好亦係死罪。我老曹曾喺1974年7月開始睇好，但恒生指數喺1974年12月先見底，太早睇好代價係冇咗當年我老曹80％本金。因此恒指見底回升由得佢，直到第二個底高出第一個底為止（所謂Bottom Up）；恒指見頂亦由得佢，直到第二個頂無法高出第一個頂為止（便叫Top Down）。唔好忘記旺市莫估頂及淡市莫估底嘅格言。

我老曹認為，分析員對明年企業純利展望仍然太樂觀。我老曹估計，明年企業純利較今年大部分係負增長，擔心未來恒指P/E將回落到八倍以下，即唔少股價仲有好大下跌空間。將銀行國有化可阻止存款戶恐慌，但不能阻止英美樓價繼續下沉，搞到D銀行冇息派（呢個係政府注資令銀行股價下跌理由）。

歷史證明政府愈介入經濟，經濟表現會愈差，例如蘇聯1970年計劃經濟；中國1949至78年三十年共產經濟。因為官僚唔按市場規律辦事而浪費珍貴資源，所以先有1978年中國改革開放政策及九十年代蘇聯解體。家吓西方國家官員大量介入金融業，後果會係點？會唔會出現crony capitalism（有權勢嘅資本主義）。不過，錢喺邊度嚟？一、稅收；二、借番嚟。政府用作收購不良資產及注資銀行嘅資金嚟自借貸市場，即資源由自由市場流向有權勢嘅資本家（官員）手中，最終導致資源錯配而壓抑經濟繁榮。有人認為市場失效，官員先介入；事實剛好相反，係官員介入令市場失效。例如「兩房」過去不按經濟規律辦事，2003年6月聯儲局減息至1厘，維持達一年之久，都係官僚令自由市場失效嘅說明，今年入市挽救銀行、情況同九十年代日本相似；美國同歐洲正步日本後塵進入crony capitalism！經過漫長一年跌市後，投資者相信高官先可以重新穩定經濟，雖然真實情況唔係咁；佢地亦相信經濟去槓桿化後，唔會帶嚟更多眼淚；佢地甚至認為，最惡劣日子已過去──例如上周五股市已見底！觀察過日本九十年代表現後，知道上述信念好脆弱。不過，外面係咁冰凍，有時亦只有捐入愛斯基摩人用雪塊砌出嚟嘅小冰屋避寒，雖然明知唔係長久居所。一年前冇人知道天氣可以變得咁嚴寒，令大部分人未有準備寒衣過冬，加上唔少投資者不但失去裇衫，連鞋、襪甚至底褲都冇埋，搞到喺嚴寒中赤裸裸；當見到禾桿草時亦死抓住唔放。

投資者今天睇睇自己嘅投資組合只見一片紅，唔少已冇咗40％市值；面對最近幾天股市反彈曾好高興，好似喺北極見到一點光咁，可惜我地見到嘅可能只係北極光而唔係陽光。

投資唔好靠預測
第一個底由拋空者平倉造成（例如2002年10月美股），日後唔再低過呢個底才確認牛市出現（例如2003年4月）；反之，未來日子如創新低，便代表熊市繼續，反彈只係另一隻熊腳。到底上周五係底定係熊腳？等股市自己話畀大家知。如你一味想摸底，咁又點持盈保泰？我老曹冇水晶球，所以亦唔知幾時見底；只知一浪低於一浪要出貨（Top Down），一浪高於一浪才入貨（Bottom Up）。

預測唔係可靠嘅投資工具（如你預測，遲早出錯），只有嚴守紀律，唔摸頂及唔估底；只有當頭起時入貨，當頭跌時出貨，先係致勝方法。

政府注資銀行只解決Solvency問題，至於Recapitalization問題，就有排先搞得掂。除CDO市場在溶解中，巨大嘅衍生工具市場亦喺度縮細緊，家吓已預告去槓桿化日子完成，早唔早D呀！

Filed under: 曹仁超 , 曹仁超

10月2日: 巴菲特最新消息

美國政府打算用7,000億美元解決金融危機，巴菲特建議政府應該和私人投資人合作，以低利貸款方式出資80%給華爾街或其他投資人去收購不良債權，其餘20%的資金就由他們自行籌措。他並警告7,000億美元恐怕已不夠用，雖說紓困案並不完美，但國會再不儘速通過紓困案，可能連他都得改當送報生。 

全球名氣最響亮的投資人巴菲特，2日出席財星雜誌（Fortune）在加州舉辦的女強人峰會，他指出目前全球市場正面臨史無前例的問題，形容這像是經濟的「珍珠港事變」，並警告國會再不加速行動，恐怕會出現一場大災難。 

巴菲特說，他在往會場的路上想到一招，就是讓美國政府和私人投資人一起收購那些不良資產。財政部以低利貸款提供80%的資金給避險基金、華爾街業者或任何投資人，其餘20%由投資人自行負責，由他們收購不良資產。一旦順利成交，政府得優先收回貸款，並收取利息。 

此機制有助於不良資產找到公平的價值、刺激市場需求，而金融機構也可望脫身，這些資產也能得到適當的管理。政府或許還能因此獲利，保住納稅人的權益。 

他說：「現在要解決這個問題的成本，又比兩周前高了。」他又幽默地說：「如果下周再沒有辦法解決，我可能就得回去送報紙。」 

巴菲特說，金融紓困案並不完美，但卻是朝正確方向邁出的一大步。他認為此案的效果要一段時間後才會顯現，就算通過了經濟恐怕還是會受衝擊。 

信用危機讓市場動盪不安，卻正是巴菲特等待已久的大好時機。他告訴與會者，這陣子找他投資的電話暴增。有個打電話來的執行長說了一個妙喻：「在市場眼裡，我們就像是青蛙，貴公司波克夏就是公主。如果您肯賞個吻，我們就能變為英俊的王子。」 

巴菲特回他：「那就換我們變成青蛙。」不過「我們確實也親了幾隻。」 

後來巴菲特接受CNNMoney專訪時說，他並不想找出這場危機的「元兇」，「每個聖人都有過去，每個罪人都有未來。」景氣大好時沒有什麼好人壞蛋，一切都是人性使然。

P/S : 得确是不错的建议，能给机会人家改过自新也帮纳税人赚钱 , 一切都是”人性使然” 

Filed under: 巴菲特 , 巴菲特